Thursday, 22 May 2008

මතුපිටින් සිනා පුරවන - flowers of tears

කඳුලූ මල් මහා පෝලිම..

දකිනවා ඇසෙනවා, හැමෝගෙම දුක් කඳුලු ඒත් අපි ගොලු වෙලා අපේ හිත් වහගෙන අපිට පෙනෙන්නේ, අපිට දකින්න ඕනෑ ටික විතරයි.... තමන්ගේ චින්තන පාරාසයට අනුගත නොවන්නන් කපා කොටා ඉවත් කරන්න පොරා බදන මානවයන් පිරුනු ගෙන්දගම් පොළව පිට දකින්න ලැබෙන බොහෝ දේ අතර හිත දෝලනය වෙද්දී, ලියන්න හිතෙන දේවල් බොහෝමයක් මග ඇරෙනවා.

නොයෙක් අකටයුතුකම් මැරකම්, අසම්මත ව්‍යාපාර මගින් මුදල් හරී හම්බ කරන අතරම ඒ සල්ලි වලින් අත දිග හැර පිංකම් කාලෙට වියදම් කරන කපටි කුටිලයන් ඕනෑ තරම් දකින්න ලැබුනා පසුගිය වෙසක් කාලෙ. එදාට ඔවුන්පන්සල් වල ලවුඩ් ස්පීකරයෙන් පිංවතුන් වෙලා.
උදේ හවස අපි යනෙන පාරවල් වලමයි ඔවුන් යන්නෙත් එන්නෙත්, ඒත් අර ඉන්ටර් කූලර් වල කළු වීදුරුවලට ඔබ්බෙන් පෙනෙන මිනිස් ජීවිත දිහා බලන්න ඔවුනට හිතෙන්නේ ජන්දයක් ලංවුනහම විතරමද? මට දුකයි අපේ රට ගැන...

ඉඳලා හිටලා ලැබෙන විවේකයේ කවියක් ලිව්වත්, ඒවා ලිව්වා කියලත් අමතක වෙලා යනවා,
අහම්බෙන් ෆෝල්ඩර අතරේ සැරි සරද්දී කාලෙකට කලින් ලියූ කවියක් දුටුවා.

කඳුළු මල් මහා පෝලිම

අනන්තය පුරා විහිදෙන
කඳුලූ මල් මහා පෝලිම
දැක දැකත් නොදැක යන්නේ
ඇයිද පින්වතුන්

සී මැදුරු වලින් බැහැගෙන
සරන පුර සරා දෙ ඇසින
දැක දැකත් නොදැක යන එන
අරුම මට කියන්

මතුපිටින සිනා පුරවන
වෙස් මුහුණු හොයා බැඳගෙන
හිතේ කුණු කිළිටි සඟවන
අයුරු මට කියන්

සිල්වතුන් වෙලා දවසක
නිවන් පුර දොරටු දකිනට
සුදු බැනර් යටින් පුරවර
යනෙනු ඇත ඔවුන්

© බෝ සමරතුංග

2 comments:

Raves said...

I dont get when you say "Kandulu Mal"? A well versed poem though :-)

Anonymous said...

නොදැක හව් හරණක්
ගලයි ජීවිතේ ඔහේ
අපි අපේ සිතට කියමු
දැනගනින් ජීවිතේ
උණු වෙච්ච හිත් කමල
වාන් දමන්නට පෙර
තව තවත් ලියාපන්
බෝ පත් ඉරු මතේ