Sunday, 4 May 2008

ගෙවී ගිය දවසක අතරමග


දිගු නිහැඩියාවට කරුණු කාරනා අසා එවූ සහෘදයන් වෙත තුති පුදන අතරම නොලියා සිටීම ගැන සමාව ඉල්ලා සිටිනවා.
වැඩ වැඩි වීම සහ අසනීප වීම නිසා අන්තර්ජාල පරිහරනය සීමා වුවද යළිඳු පුළුවන් නිමේෂයේ ආයෙත් "ඔන්ලයින්" පැමිණියෙමි.
ගෙවී ගිය සතියේ විශේෂයක් කියලා කිසිම දෙයක් සිදුවුනේ නම් නෑ, මහ dull , boring සතියක් කිව්වත් නිවැරදියි. ඇහෙන්නේම සිත කම්පා කරවන පුවත්, දකින්නේම අනුන් තලන පෙලන පුරවර විත්ති. ඒත් ඒ සියල් මැදින් තවමත් මිනිස්සුන්ගේ හිත් වල මිනිස්කම ඉතිරි වී තිබෙනවා නම් එය අරුමයකි.

තමන්ව කුඩා කළ සිටන් හදා වඩා, ඕනෑකරන සියල්ල අපමණ දුක් විඳ සපයා උස්මහත් කල දෙමාපියන්ට අවැඩ කරන දරුවන් මටනම් අප්‍රියයි. තමන්ගේ දෙමාපියන්ව රවටන්න පුලුවන් කෙනෙක් බොහොම පරිස්සමෙන් ආස්‍රය කළ යුතුයි කියලයි මම නම් අහලා තියෙන්නේ, මොකද තමන්ගෙ අම්මා තාත්තට හොර මැරකම්, අකටයුතුකම් කරන කෙනෙක්ට වෙන ඕනෙ කෙනෙක්ට ඒවැනි දේ කරන එක සුළු වැඩක්. ඒත් අර කියමනක් තියෙන්නේ, තමන්ගෙ මට්ටම් තම්මැට්ටම් කියලා, ඒ වගේ එවැනි පිරිස් මැද උනත් හිස කඳ කෙලින් තබාගෙන වැඩ කටයුතු කරගන්න සිදුවෙනවා

ප්‍රියයන්ගෙන් වෙන්වීම දුකකි, අප්‍රියයන් හා එක්වීම දුකකි, බුදු දහමේ එන සනාතන දහම් කරුණු සියල්ලෙන්ම වටහා දෙන්නට හදන්නේ මේ යතාර්තවාදී මිනිස් දහම නොවේද.
එහෙ මෙහෙ දුවන අතරතුර කුරුටු ගෑ පද පෙලක් මෙසේ සටහන් කර තබමි

නුඹ

අතීතයෙ නටබුන් මතක අග
ගෙවී ගිය දවසක අතරමග

සිහිවුනා නුඹ ඒත් නෑ හිත

මියැදිලා සිහිනයක අවසන


රෝහලත් නිවසත් අතරතුර

දෝලනය වේ සිතුම් පිරිවර

රෝග දුක් රජයනා පුරවර

මොටද සැනසුම් සුසුම් හරි බර


බෝ ©

2 comments:

kajana said...

හිතවත් බෝ නන්ගි ඔයාගෙ බ්ලොග් පිටුව දැකල කාලයක් වුනත් මගෙ කොම් එකේ සින්හල කියවන්න බැරිව හිටියෙ. කොහොම හරි ඔන්න ඔයාගෙ බ්ලොග් පිටුව කියවන්න පුලුවන් උනා. අපේ කම දැනෙන ආකාරයට සින්හලෙන් ලියල ලෝකෙ කොහෙ හිටියත් ඒව රස විදින්න හැකි කාලයක් තියෙයි කියල මන් පුන්චි කාලෙනම් හිතන්නවත් බැරි තරම්. ඒත් ටික ටික ලොකු වෙන කොට එහෙන් මෙහෙන් විස්තර කනට වැටිල ඉන්න අතරෙ තමයි අපේ රටට ආදරය කරපු ුආතර් සී. ක්ලාක් මහත්මයාගෙ පොතක් කියවන්න ලැබුනෙ. ඒ දවස්වල නම් ඒ තරම්ම වුවමනාවකින් ඒ පොත කියවන්න හිතුනෙ නැති උනත් දැන් මගෙ හිතට පුන්චි පුන්චි දේ මතකයට එනව ඒ පොතේ තිබුන.
ඔබගේ අවයාජ ගද්ද ්‍ය, පද්ද ්‍ය්‍ය හා රචනා කරනය මෙන්ම ලාන්කික පුන්චි දරුවන්ගේ අනාගතය යහපත් අන්දමින් සකසා ගැනීම සදහා ඔබ හා ඔබ සමග සිටින සියලුම සහෝදර සහෝදරියන් දරන උත්සාහයට මාගේ ආචාරය පිරිනමමි. ඔබ වැන්නවුන් මගේ සිරිලකට පහල වී අන්ධානුකරනයේ ගැලී සිටින අපේ ජාතියේ සමහර තරුන කොටස් වලට රට දැය වෙනුවෙන් යමක් කිරීමට සිත් සතන් පහලවේවා අපේ රට පාලනය කරන ඇත්තන්ගේද සිහිනුවන තමන් වෙනුවෙන් නොව රට වෙනුවෙන් යමක් කිරීමට සිහිනුවන පහල වේවායි පතමින් ඔබේ සත්කාරයනට දිනකදී සුලුවශයෙන් හෝ දායක වෙන්න මටද හැකියාව ලැබෙන්න කියා පාර්ථනා කමින් ඔබට ජය පතමි.
(පලමුවරට ලීවෙ අකුරු වල වැරදි නිවැරදි කර කියවන්න)

kajana said...

හිතවත් බෝ නන්ගි ඔයාගෙ බ්ලොග් පිටුව දැකල කාලයක් වුනත් මගෙ කොම් එකේ සින්හල කියවන්න බැරිව හිටියෙ. කොහොම හරි ඔන්න ඔයාගෙ බ්ලොග් පිටුව කියවන්න පුලුවන් උනා. අපේ කම දැනෙන ආකාරයට සින්හලෙන් ලියල ලෝකෙ කොහෙ හිටියත් ඒව රස විදින්න හැකි කාලයක් තියෙයි කියල මන් පුන්චි කාලෙනම් හිතන්නවත් බැරි තරම්. ඒත් ටික ටික ලොකු වෙන කොට එහෙන් මෙහෙන් විස්තර කනට වැටිල ඉන්න අතරෙ තමයි අපේ රටට ආදරය කරපු ුආතර් සී. ක්ලාක් මහත්මයාගෙ පොතක් කියවන්න ලැබුනෙ. ඒ දවස්වල නම් ඒ තරම්ම වුවමනාවකින් ඒ පොත කියවන්න හිතුනෙ නැති උනත් දැන් මගෙ හිතට පුන්චි පුන්චි දේ මතකයට එනව ඒ පොතේ තිබුන.
ඔබගේ අවයාජ ගද්ද ්‍ය, පද්ද ්‍ය්‍ය හා රචනා කරනය මෙන්ම ලාන්කික පුන්චි දරුවන්ගේ අනාගතය යහපත් අන්දමින් සකසා ගැනීම සදහා ඔබ හා ඔබ සමග සිටින සියලුම සහෝදර සහෝදරියන් දරන උත්සාහයට මාගේ ආචාරය පිරිනමමි. ඔබ වැන්නවුන් මගේ සිරිලකට පහල වී අන්ධානුකරනයේ ගැලී සිටින අපේ ජාතියේ සමහර තරුන කොටස් වලට රට දැය වෙනුවෙන් යමක් කිරීමට සිත් සතන් පහලවේවා අපේ රට පාලනය කරන ඇත්තන්ගේද සිහිනුවන තමන් වෙනුවෙන් නොව රට වෙනුවෙන් යමක් කිරීමට සිහිනුවන පහල වේවායි පතමින් ඔබේ සත්කාරයනට දිනකදී සුලුවශයෙන් හෝ දායක වෙන්න මටද හැකියාව ලැබෙන්න කියා පාර්ථනා කමින් ඔබට ජය පතමි.
(පලමුවරට ලීවෙ අකුරු වල වැරදි නිවැරදි කර කියවන්න)