Friday, 29 February 2008

Malith's Sihil Maruthe..සිහිල් මාරුතේ

අහම්බෙන් අහන්නට ලැබුනු සිංදුවක් හොයාගන්න ටිකක් විතර වෙහෙස මහන්සි වෙන්න සිදුවුනා, අහපු ගමන් හිතට වදින සිංදු ඇත්තේ අතලොස්සක් පමණය. මට ඉතින් හිතට වදින යමක් හම්බුන ගමන් මම කරන්නේ වට පිටේ ඉන්න මගේ හිතවතුන් යහළුවන්ටත් එය පෙන්වන එකයි. අන්තර්ජාලය තුල ඉතින් ඕනෑම දෙයක් හොයා ගන්න අමාරු නෑනේ, සමහර විට ගුවන් විදුලියෙන් ඇහෙන්නත් කලින් අන්තර්ජාලය තුලින් ලබාගන්න හැකි වන අවස්තාද එමටය. ඒක එක අතකට ලාංකේය කලාකරුවන්ට සිදුකරන අවැඩක්. අමාරුවෙන් සල්ලි වියදම් කරලා පිට කරන කැසට් හෝ සංයුක්ත තැටි ඒ සැනින් අන්තර්ජාලය තුලින් බෙදා හැරෙන්නේ ඉතා ඉක්මනින්, ඒත් .... මොනවා කරන්නද, අපිත් ඉතින් තැන්ක්‍යූ කිය කිය ඒවා බා ගත (download) කර ගන්නවා.
හෑබැයි "copy right" නීති ආපු දවසට ඒ අදාල හොරකම් කල අයව අල්ල ග්න්න නම් අමාරු වෙන්නේ නෑ, මොකද එක්කො ඒ වීඩීයෝ එක මැද්දෙ තම වෙබ් පිටුවෙ නම ලියලා තියනවා නැත්නම් සින්දුව අතරමැද අමුතු හඩකින් කෑගහනවා ....ඩොට්කොම් කියලා . ඉතින් බඩු එක්ක හොරු මාට්ටු වෙනවා ලේසියෙන්, නමුත් ගොඩක් වෙබ් අඩවි කරන අය මා සමග පැවසුවේ ඔවුනට මෙසේ ගීත ලබා දෙන්නේ එම ගායකයන් විසින්මය කියලා

Malith Perera ගායනා කරන සිහිල් මාරුතේ ගීතය අහන්න ලැබුනෙත් අහම්බෙන්, රූපවාහිනී නාලිකාවක යන ගීත දර්ශකයක තිබූ මේ ගීය අහපු වෙලාවේ ඉඳන් නෑවත අහන්න තිබුනේ ලොකු ආසාවක්, මෙ සිංඳුවේ තාලෙත්, පද රචනාවත් දෙකම ලස්සනයි, අරුත් බරයි , ලබැඳියි. හරි ආදරණීයයි.

මේ එම ගීයයි....

සිහිල් මාරුතේ පෙම් සිලෝ ගී ඇසේ
පුරන් වූ කෙතේ නිල් ගොයම් පීදුනේ
ගැලූ මා ඔයේ පෙණ හිනා මල් පිපේ
ඔබේආදරෙන් සිත ප්‍රමෝදෙන් පිරේ

මිණි මිණි පොද ඉහිලා මී අඹ මල් සැලූනා
ඔබ එන වග දැනිලා හිත ඉවසුම් නැතිවා

යොවුන් ආදර වසන්තේ කොහෙන්දෝ ඔබ ගෙනාවේ
මදාරා සුගන්දේ දසන්තේ සරන්නේ
හද කලඹා යන ඇසිල්ලෙන් ඔබ කුමක්‍දෝ මේ කියන්නේ
සිත සොරකම් කරන් නෙතු කැන් සැලුවේ

ලතෙත් ආදර සමීරේ කොහෙන්දෝ ඔබ ගෙනාවේ
උදාවූ වසන්තේ කොවූල් ගී ගැයෙන්නේ
සිත පියඹා යන ඉසව්වක් ගැන ඉමක් නෑ මට පෙනෙන්නේ
ඔබ විතරයි හදේ ඇඳි රූ වරුණේ

මේ ගීයේ පද රචනය කර තිබෙන්නේ කවුද යන වගනම් හරියටම නොදනිමි. මම මේ ගීය කීප වතාවක්ම අහද්දී "දැන් ඕක අහල අහලම මලිත්ව එපා වේවි" කියලා මගේ යාළුවෙක් කීව්වා. මෑත යුගයේ පහළවුනු ගායකයන් අතුරෙන් මලිත් පෙරේරා සහ කසුන් කල්හාර මම කැමතිම ගායකයන් දෙදෙනෙකි.
මේ ගීතය අහද්දී දැනෙන්නේ මගේ ආදරණීය "හිරු එළිය" මට මෙය කියනවා වාගේයි. ඔහු කවි ගී නොලිව්වත් , මා අසල මට දිරි දෙමින් සිටින එකම, අප්‍රමාණ වූ ආදරයක් සෙනෙහසක් මට දෙන එකම මහ මෙරක් තරම් මට නම්....
මේ කවිය නම් ලීවේ මීට අවුරුදු දෙකකට කලින් එනිසා බොහෝමයක් දෙනා වෙනත් වෙබ් පිටු තුලීන් මේ කවිය කියවා ඇති. ඒත් මේ බ්ලොග් පිටුවට මෙයත් එකතු කරන්න හිතුනා. මේ මගේ හිරු එළිය වෙත ලියූවක්...

3 comments:

සු෴ said...

නංගි මං හිතන්නෙ ඕක ලියන්න ඇත්තෙ නිලාර් එන් කාසිම්..බලලා කියන්නම්

Dasun Sameera - දසුන් සමීර said...

මෙම ගීතය http://www.lyricslk.com/ එකට දාන්නද?

Bo said...

දාන්න මල්ලී, හැබැයි, ගීතය ගායනා කරන්නේ මලිත් බව දන්නවා උනාට ගීතය රචනා කර ඇත්තේ කවුදැයි නොදනිමි.